Поиск по сайту

Статистика

Количество просмотров материалов
1984952

Геалагiчны факультэт  Гомельскага дзяржаўнага ўніверсітэту быў утвораны ў 1969 годзе з мэтай падрыхтоўкі інжынераў-геолагаў па спецыяльнасці «Гідрагеалогія, інжынерная геалогія».

Сёння ў склад геолага-геаграфічнага факультэту ўваходзяць 2 кафедры:

Кафедра геалогіі і геаграфіі. Вядзе падрыхтоўку спецыялістаў па спецыяльнасці «Геаграфія (навукова-педагагічная дзейнасць)» (са спецыялізацыямі «Рацыянальнае прыродакарыстанне і ахова прыроды», «Геаграфія турызму і экскурсійны менеджмент»)   і па спецыяльнасці «Геалогія і разведка радовішчаў карысных выкапняў» па тром спецыялізацыям: «Геафізічныя метады пошукаў і разведкі», «Гідрагеалогія і інжынерная геалогія», «Геалогія, пошукі і разведка нафтавых і газавых радовішчаў».

Накірункі навуковай дзейнасці кафедры: інжынерна-геалагічныя і гідрагеалагічныя даследаванні, маніторынг геалагічнага асяроддзя, геафізічны маніторынг небяспечных геалагічных працэсаў, методыка выкладання геаграфіі, экалагічная адукацыя і выхаванне, экалагічнае краязнаўства, фізіка-геаграфічныя і сацыяльна-эканамічныя з'явы і працэсы на тэрыторыі рыгіёну.

Кафедра экалогіі.  Вядзе падрыхтоўку спецыялістаў па спецыяльнасці «Геаэкалогія» з двума спецыялізацыямі: «Агульная экалогія», «Маніторынг навакольнага асяроддзя».

Накірункі навуковай дзейнасці кафедры: эколага-фауніcтычныя даследаванні, ландшафтна-экалагічныя даследаванні, экалагічны маніторынг, маніторынг жывёльнага свету, расліннасці, паверхневых вод и глебавага покрыва.

Студэнты факультэту могуць прадоўжыць сваю адукацыю ў магістратуры па спецыяльнасцям: «Геаэкалогія», «Агульная і рэгіянальная геалогія».

На кафедрах геолага-геаграфічнага факультэту адкрыты аспірантуры па сямі спецыяльнасцям: «Агульная і рэгіянальная геалогія», «Гідрагеалогія», «Геафізіка, геафізічныя метады пошукаў карысных выкапняў», «Геалогія, пошукі і разведка гаручых выкапняў», «Фізічная геаграфія і біягеаграфія, геаграфія глебаў і геахімія ландшафтаў», «Геаэкалогія», «Экалогія».